اهلا وسهلا بك يا زائر فى مـنتـد ـيات احلى البنات


    ماني أوَّل من يحب ومنتَ آخر شخـص يخون

    شاطر
    avatar
    reem
    مـديـرة عـــامـة
    مـديـرة عـــامـة

    انثى عدد المساهمات : 182
    تاريخ التسجيل : 27/01/2010

    ماني أوَّل من يحب ومنتَ آخر شخـص يخون

    مُساهمة من طرف reem في الخميس مارس 04, 2010 7:36 am

    ما تغيَّر شي .. لكن .. صار فاضي هالمكـان
    يعني ما شفت قلبي طحت مِنْ عينـي وعينـه

    كان لك قلبي مدينه ولاحظ إني قلت : ((كـان))
    يعني إنتَ الحين واحد ((خارج حدود المدينـه))

    ليه مستغرب كلامـي وليـه أعطيـك الأمـان
    وليه تَكْذِب في كلامـك العـذر وينـك ووينـه

    ما ألومك كان قلبـك ثـارت أمواجـه وخـان
    الخطا منَّي لأني صـرت فـي بحـرك سفينـه

    والسؤال اللَّي كتمته وما نِطَـق فيـه اللسـان
    كيف إيدك إطعنتني وآنـا أحْسِبْهَـا أمينـه ..؟

    جرحي ما يرضيه قلبك لو يجـي كلِّـه حنـان
    لو تبوس الجرح فينـي ولـو تقبلهـا إيدينـه

    يُوم أحبك قلت كلمه : ( يكرَم المرء أو يُهان )
    وإنتَ قلبي ما كرمته وما قـدرت إنِّـك تهينـه

    ( عزِّتي ).. ما هي جديده آنا شامخ من زمان
    إغسل إيدك من رجوعي وروح يا ............

    طاب خاطر قلبي منِّك وهـذي الفرقـى رهـان
    وحتَّى لو قلبي يحبـك ربِّـي بفراقـك يعينـه

    تدري لما قلت أحبك قلت وما عنـدي ضمـان
    وإختياري كان خاطىء تجربه بالحيـل شينـه

    كنت تخطي وكنت أسامح مرَّه مرتيـن وثمـان
    أمسح الزله عشانـك وأكتـم أنفـاس الغبينـه

    كنت أحبك وكنت أعزك والغـلا فينـي جبـان
    اخاف تزعل لو ألومك ضعت ما بينـك وبينـه

    في عيون الناس عادي بس في عينـي جنـان
    وكان قلبي من يشوفك تفضحه نظـرة حنينـه

    ماني أوَّل من يحب ومنتَ آخر شخـص خـان
    المحبه في زمانك بحرهـا مـن غيـر مينـه

    الفشـل .. كـان النتيجـه وأعتقـد آن الأوان
    أبني مستقبل حياتي وأنسـى قصتنـا الحزينـه

    وخطوتي الأولى غيابي وراح أطبقهـا عشـان
    يبكي قلبك لا فقدني والنـدم .. يملـي سنينـه

    جاي تسأل عن مكانك !! هو بقى فيني مكان ؟؟
    الله يرحمها المشاعر اللي كانـت لـك رهينـه

    قلت لك قلبي ( مدينه )فيها لك حشمه وشـان
    لكن إنتَ الحين أغرب شخص في هذي المدينه

      الوقت/التاريخ الآن هو الإثنين نوفمبر 19, 2018 3:05 pm