من طرف (السوالف فنون فنون والمسولف يشرب غليون السوالف تسير وتيجي ولافائده الا بالصلاه على النبي (صلى الله عليه وآله وسلم)
كان في هالملك اللي يعيش فقصر كبير مع زوجته وماعندهم الا ذيج البنت المزيونه وحيدة امها وابوها، في يوم من الايام جاء الملك وسأل الملكه قالها ياملكه: انا عندي لج سؤال ان ماجاوبتيني عليه بذبحج خافت المره قالت: له اسأل قالها الخير والعز اللي احنا فيه مني ولامنج يعني من الرجال ولا من المره تمت الملكه تقول ها ها مادري قالها لا لازم اتجاوبيني بعطيج مهله ثلاث ايام تفكرين فيها وان جيت وماعطيتيني الجواب بذبحج قالت له: انزين تمت الملكه تفكر وتفكر يوم ويومين والبنت حست ان امها مو طبيعيه فيها شئ ماصارت تأكل معاهم ولاتطلع ويا ربعها ولاتستقبل حد راحت البنت لا أمها قالت: لها يمه اشفيج قالت مافيني شئ خليني بروحي قالت: لها لا فيج شئ قولي لي يمكن اقدر اساعدج قالت: لها باقولج وامري لله هذا الله يسلمج ابوج جاني وسالني سؤال محيرني!! قالت: لها شنو هالسؤال قالت الخير والعز اللي احنا فيه مني ولامنه يعني من المره ولا الرجال، قالت لها بنتها: وهي رافعه حواجبها بس هذا هو السؤال والله حسبالي عندج سالفه بدون ماتفكرين بعد طبعا منج انتي قالت: لها شلون قامت البنت وفهمت امها واقتنعت الام جاء الملك وكان متوقع ان زوجته بتقول ان الخير منه بس انصدم يوم قالت: له ان الخير منها قالها: هذا مو جوابج هذا جواب بنتج قام ونادى بنته قالها: هذا جوابج صح قالت: له اي اصلا ماكان مفروض تعطي امي مهله ومخوفها طبعا الخير اللي فيه الرجال يكون من المره قالها زين برويج.
راح مجلسه وتم يفكر شلون ينتقم من بنته جاءته خطه قال :لخدمه وحشمه روحوا دوروا لي واحد كحيان منتف ماعنده شئ بزوجه بنتي استغربوا الخدم قالهم: شفيكم ماتفهمون قالو: امبلا وخافو وراحو يدورون واحد كحيان ومنتف جابوا للملك كذا واحد اللي أعمى بس يشتغل واللي فقير بس بعد يشتغل قالهم: انتوا مافهمتوا ابي واحد مايشتغل كلش وماعنده شئ ولا حتى ريال واحد ،راحو الخدم يدورون ويسألون لين ماحصلو واحد يظنون ان الملك بيوافق عليه راحو قالو للملك: في واحد يسمونه حسون الكسلان لان من كسله مايشتغل امه اللي تشتغل واجيب له الاكل لين عنده وهي تاكله وثاني شئ ماعندهم بيت امه خدامه فالبيوت وهو يرقد تحت شجره واذا جاء الصبح والشمس حرقته مايقوم من مكانه يروح فالظل ينتظر امه اجي تسحبه وتوديه فالظل، قالهم: ابيه جيبوا لي اياه،، قالوا:له هو مايجي قالهم شيلوه وجيبوه.
جابو حسون الكسلان وهم شايلنه للملك وطبعا المفروض احتراما للملك يوقف بس هو على طول اول مانزلوه قعد ضحك الملك كانو الحراس يبون يضربونه عشان يوقف احترام للملك بس الملك اشر لهم انهم يخلونه قاله: الملك انت حسون الكسلان قاله اي بس انا ماسويت شئ انا ماكلم حد قاله ادري ابيك تتزوج بنتي قاله وهو رافع حواجبه ومستغرب جايبني هني تطنز علي لف وطالع وراءه قال: للخدم والحشم اللي وراءه شيلوني رجعوني مكان ماجبتوني قاله :الملك انا ماتطنز من صجي تبي بنتي فكر حسون قال اي والله اخذ بنت الملك وبنعيش انا وامي طول عمرنا في راحه حتى لو ماتت امي عادي مابحاتج لاني بتزوج بنت الملك قاله اي موافق استانس الملك وراح لبنته وقالها: يالله لبسي وروحي مع ريلج انصدمت البنت بس ماصاحت ولاشئ وعرفت ان ابوها زعلان منها من يوم ماقالت لامها ان الخير من المره مو من الرجال قالو لحسون خذ زوجتك وروح قال وين اروح وين اوديها ماعندي بيت قاله الملك: وين ماترقد رقدها معاك قاله:انزين والقصر!! قاله انا مابي بنتي خذها.
طبعا حسون كسرت خاطره بنت الملك ووداها معاه وصلو الفليل عند الشجره ورقدو اثنينهم بدون عشا وثاني يوم الصبح قامت البنت تنتظر ريلها يقوم الشمس حرقتهم قالت: له قوم الشمس حرقتني قالها:رقدي امي بجي وبتسحبنا وبتودينا فالظل استغربت البنت شنو هذا رجال قالت له: زين قوم روح جيب لنا اكل انا جوعانه من امس ماكلت قالها: انتظري امي بجيب لنا اكل يوم تخلص شغلها قالت له :وين تشتغل امك؟؟ قال؟ يعني وين في الوزاره!! تشتغل فالبيوت خدامه!! قالت له: وانت عادي عندك قالها: اي وش اسوي لها يعني اذا هي ماشتغلت من اللي بيشتغل قالت: له انت قالها: ممكن تسكتين تراش تسولفين وايد ابي ارقد اذا جاءت امي قيميني عشان اكل ورقد!!! البنت استغربت من اللي قدامها وفعلا جاءت الام وسلمت عليها وسحبت ولدها للظل بعدين قومته واكلته خبز وشربته ماي حتى ماخلته بنفسه ياكل ويشرب هي اللي تاكله وتشربه.
ثاني يوم من اصبح الصبح وراحت الام تخدم فالبيوت خذت لها سعفه من النخله وضربت ريلها وهي تصارخ قوم قوم قالها: بسم الله الرحمن الرحيم شفيج قالت له:قوم اشتغل قالها: شاشتغل قالت له روح فالبلاد ودور على عنكيش التمر يعني (نواه التمر) وفعلا خاف تضربه راح ودور على عنكيش التمر وجابه لها قالها: هاج خليني ارقد اضربته وقالت له: قوم روح بيعه فالسوق قال: من يشتريه قالت له راعي النخل بيشتريه منك راح وباعه جابه لها خمسه ريال جاء بيرقد اضربته قالت له: قوم خذ ريال وروح جيب لنا خبز وخشت الاربعه ريال وثاني وثالث يوم على نفس الحاله تضربه وتقومه يروح يدور عنكيش التمر لين ماصار عندها تقريبا ثلاثين ريال قالت له روح خذ هـالـ 15 ريال واشتر لك حمار استانس حسون حسباله ان الحمار بيشتغل عنه جاب لها الحمار وجاء بيرقد اضربته قالت له: روح اشتر فأس من السوق بخمس ريال وبعدين روح الغابه وكسر حطب وبيعه فالسوق وصار بدال خمس ريال وعشره ريال يجيب لها 50 ريال 70 ريال وهي اجمع تعطيه شوي يجيب لهم اكل وتخش الباقي وبنت لهم كوخ صغير وشرت لها مكينة خياطه وصارت تخيط هي وام ريلها وقالت لام ريلها: انها ماتشتغل فالبيوت خلاص وفي يوم من الايام جاء حسون وجايب لها 500 ريال فاليوم الواحد غريبه استغربت قالت له: مبين اشتغلت وايد قالها اي اليوم ترست غرفه كامله خشب حق شخص واحد هو شراه مني الخشب كله قالت له: زين سويت وقالها: لا وبعد ابشرج قالي كل يوم بشتري منك الخشب بس بشرط يكون مثل الخشب اللي اليوم شراه مني قالت له: زين سويت قال انزين انا بنام تبين شئ قالت له: لا انا بروح اغسل الحمار من الخشب وانظفه قالها: زين راحت البنت تغسل الحمار وتنظفه لقة قطعة عود خشب بس عود العود الازرق شمت ريحته عود استغربت!! راحت ركضت عند زوجها قوم قوم شنو هاي قالها خشب:هالخشب اللي بعته على الرجال قالت له قوم اللحين ودني لهالرجال قالها: ليش؟! قالت له: هذا عود مو خشب قالها؟ شنو عود؟قالت له: شعرفك قوم ودني له اللحين قالها: اللحين الفليلل ارقدي الصبح بوديج قالت له: لا ماترقد اللحين توديني قال: اف انا خذتج انج بتريحيني مادريت اني جبت المرض لنفسي طالعته بنظرة عين من على صوب خاف الرجال وسكر حلجه وراح ووداها بيت الرجال اللي شراه منه العود طقو الباب فتح لهم الرجال قالهم: نعم خير في حد يجي هالحزه انتوا تعرفون الساعه كم اللحين قالت له: بنت الملك نبي العود اللي شريته اليوم وخدعت ريلي انك شاري خشب قال: هو راضي انتي شعليج قالت له: لا هو موراضي وهو مايعرف العود من الخشب قالها: انا ماشريت عود انا شريت خشب قالت له زين خذ الـ500 ريال مالتك ورجع الخشب بنروح نبيعه فالسوق قالها كم تبون قالت له ترس لك غرفه كامله مليانه عود انت كم بتعطينا قالها: 50000 قالت له: لا 100000 ريال قالها: زين هاج ومابي منك مره ثانيه خشب قالت له: يكون احسن وراحت وهي مستانسه غيرت شغل ريلها بعد ماشتغل حطاب لمدة شهر شرت له مركب صغير وقالت له: روح تعلم تصيد سمك وتبيع فالسوق تعلم من الصيادين كان فالبدايه خايف من البحر بس عقب ماضربته صار عادي عنده المهم جمعوا فلوس من بيع السمك والمره تخزن وعقب شهر من اشتغل صياد قالت له: اللحين بشتري لك مركب اكبر ابيك تروح البلاد اللي وراء البحر يبون مزارعين اشتغل هناك لمدة سنه ويوم اطرش لك انك ترجع ارجع وكل ماحصلت فلوس طرشه لي فهمت قالها: اي اهم شئ انه بيفتك منها.
وراح حسون البلاد اللي وراء البحر مثل ماقالت له مرته واشتغل مزارع وكل ماجمع فلوس صار يطرشه لزوجته والزوجه فبلادها تشتغل خياطه وصارت تبني بالفلوس اللي يطرشها ريلها لها كل شهر قصر اكبر من قصر ابوها على البحر المهم وتمر السنه بسرعه ويجهز القصر واطرش له انه يرجع خلاص راح حسون الكسلان لكفيله وقاله خلاص انا برجع ديرتي لزوجتي وامي قالها المعزب زين قبل ماتروح خذ لك اي شئ تبيه من المزرعه وده لهم قاله: انا مابي الا هالبطيختين اللي مخشوشين تحت الشجر قاله: اخذهم راح وخذاه وقال وحده لزوجته ووحده لا امه المهم رجع بلاده ووصل عند البحر وصار يدور الكوخ الصغير اللي فيه زوجته وامه وقام يسال الناس ان في كوخ صغير فيه بنت وعيوز وين راحو قالوا له اوهوا صارو اغنياء واللحين هم ساكنين فهالقصر قام وطالع القصر لقى زوجته وامه من فوق يأشرون له انه يدخل دش وسلم عليهم وعطاهم البطيختين ويوم فتحوها لقوا انها محشيه بالذهب والمجوهرات وان اظاهر هذولا حراميه كانو خاشينه تحت الشجر بس طلع من رزق حسون الكسلان المهم قال: حسون لزوجته خلاص من اليوم مافي شغل قالت له: امبلا في باقي اخر شئ قالها: شنو قالت له: تسبح والبس وارجع اركب مركبك الكبير ولاتنزل منه الابكره الغدا قالها ليش قالت له بكره بتعرف.
وثاني يوم قام المؤذن يأذن لصلاة الفجر في قصر الملك شاف القصر الكبير اللي اكبر من قصر الملك وعليه ليتات عرس وفالبحر في مركب كبير وعليه ليتات عرس وبدال مايقول الله اكبر صار يقول: الله والقصر الله والقصر جاءه الملك يهاوشه قاله: انت شتقول قاله: ياملك استعمروا بلادنا قاله: منهم قاله مادري شوف وشاف الملك البيت اللي اكبر واحلى من بيته وانصدم وقال: في نفسه هذي حوبة بنتي من زوجتها وانا احس بتأنيب الضمير المهم بنت الملك قالت للخدم يروحون يعزمون البلاد كلهم على الغدا اليوم حتى الملك واعوانه وقالت لهم يفرشون زوليه حمراء من القصر لين البحر عشان يمشي عليه حسون الكسلان وفعلا اذبحت الذبائح وغدت اهل البلاد كلهم وجاء الملك واعوانه على الغدا عشان يعرفون شسالفة هالقصر اللي طلع فجأه وبعد الغدا قالت بنت الملك للخدم: روحو قولوا للي تغدوا خلاص يروحون بس يتم الملك بروحه فالميلس وخل اعوانه يطلعون جاوو الخدم وقالوا لهم: والناس اطلعو بس اعوان الملك خافو على الملك قالهم: لاتخافون شكله طيب يقصد حسون الكسلان وطبعا لان حسون كاشخ ومحلق متغير ما اعرفه الملك ان هذا زوج بنته قالهم يطلعون يوقفون عند الباب اذا ناداهم يدخلون وفعلا الكل طلع الا حسون الكسلان والملقب حاليا بالشيخ حسن والملك ابو زوجته دشت البنت وهي متغطيه من راسها لين ريلها وسلمت ورد عليها السلام الملك وماعرف انها بنته وعلى طول قالت له: ها ياملك الخير من الرجال ولا من المره تذكر بنته ودمعت عينه قالها: اشهد انج بنتي رفعت عن ويهها وجاء ابوها ولمها وقالها: سامحيني يابنتي مادري ليش سويت جذي فيش كنت معصب عليج قالت له: واللحين شتقول قالها: اي والله صدقتي الخير من المره مو من الرجال وقالها: اذا تبين اللحين بطلقج منه حسون انصدم من كلام الملك بس اعجبه رد بنته قالت له لا يايبه مو انا اللي انكر العشره وانكر فضله علي هو اللي شتغل بس انا اللي حافظت ورجعوا وعاشو حياه سعيده واستانست الملكه من بنتها وتوته توته خلصت الحتوته .
وهني وهناك خلصت السالفه عطوني آرائكم بصراحه
كان في هالملك اللي يعيش فقصر كبير مع زوجته وماعندهم الا ذيج البنت المزيونه وحيدة امها وابوها، في يوم من الايام جاء الملك وسأل الملكه قالها ياملكه: انا عندي لج سؤال ان ماجاوبتيني عليه بذبحج خافت المره قالت: له اسأل قالها الخير والعز اللي احنا فيه مني ولامنج يعني من الرجال ولا من المره تمت الملكه تقول ها ها مادري قالها لا لازم اتجاوبيني بعطيج مهله ثلاث ايام تفكرين فيها وان جيت وماعطيتيني الجواب بذبحج قالت له: انزين تمت الملكه تفكر وتفكر يوم ويومين والبنت حست ان امها مو طبيعيه فيها شئ ماصارت تأكل معاهم ولاتطلع ويا ربعها ولاتستقبل حد راحت البنت لا أمها قالت: لها يمه اشفيج قالت مافيني شئ خليني بروحي قالت: لها لا فيج شئ قولي لي يمكن اقدر اساعدج قالت: لها باقولج وامري لله هذا الله يسلمج ابوج جاني وسالني سؤال محيرني!! قالت: لها شنو هالسؤال قالت الخير والعز اللي احنا فيه مني ولامنه يعني من المره ولا الرجال، قالت لها بنتها: وهي رافعه حواجبها بس هذا هو السؤال والله حسبالي عندج سالفه بدون ماتفكرين بعد طبعا منج انتي قالت: لها شلون قامت البنت وفهمت امها واقتنعت الام جاء الملك وكان متوقع ان زوجته بتقول ان الخير منه بس انصدم يوم قالت: له ان الخير منها قالها: هذا مو جوابج هذا جواب بنتج قام ونادى بنته قالها: هذا جوابج صح قالت: له اي اصلا ماكان مفروض تعطي امي مهله ومخوفها طبعا الخير اللي فيه الرجال يكون من المره قالها زين برويج.
راح مجلسه وتم يفكر شلون ينتقم من بنته جاءته خطه قال :لخدمه وحشمه روحوا دوروا لي واحد كحيان منتف ماعنده شئ بزوجه بنتي استغربوا الخدم قالهم: شفيكم ماتفهمون قالو: امبلا وخافو وراحو يدورون واحد كحيان ومنتف جابوا للملك كذا واحد اللي أعمى بس يشتغل واللي فقير بس بعد يشتغل قالهم: انتوا مافهمتوا ابي واحد مايشتغل كلش وماعنده شئ ولا حتى ريال واحد ،راحو الخدم يدورون ويسألون لين ماحصلو واحد يظنون ان الملك بيوافق عليه راحو قالو للملك: في واحد يسمونه حسون الكسلان لان من كسله مايشتغل امه اللي تشتغل واجيب له الاكل لين عنده وهي تاكله وثاني شئ ماعندهم بيت امه خدامه فالبيوت وهو يرقد تحت شجره واذا جاء الصبح والشمس حرقته مايقوم من مكانه يروح فالظل ينتظر امه اجي تسحبه وتوديه فالظل، قالهم: ابيه جيبوا لي اياه،، قالوا:له هو مايجي قالهم شيلوه وجيبوه.
جابو حسون الكسلان وهم شايلنه للملك وطبعا المفروض احتراما للملك يوقف بس هو على طول اول مانزلوه قعد ضحك الملك كانو الحراس يبون يضربونه عشان يوقف احترام للملك بس الملك اشر لهم انهم يخلونه قاله: الملك انت حسون الكسلان قاله اي بس انا ماسويت شئ انا ماكلم حد قاله ادري ابيك تتزوج بنتي قاله وهو رافع حواجبه ومستغرب جايبني هني تطنز علي لف وطالع وراءه قال: للخدم والحشم اللي وراءه شيلوني رجعوني مكان ماجبتوني قاله :الملك انا ماتطنز من صجي تبي بنتي فكر حسون قال اي والله اخذ بنت الملك وبنعيش انا وامي طول عمرنا في راحه حتى لو ماتت امي عادي مابحاتج لاني بتزوج بنت الملك قاله اي موافق استانس الملك وراح لبنته وقالها: يالله لبسي وروحي مع ريلج انصدمت البنت بس ماصاحت ولاشئ وعرفت ان ابوها زعلان منها من يوم ماقالت لامها ان الخير من المره مو من الرجال قالو لحسون خذ زوجتك وروح قال وين اروح وين اوديها ماعندي بيت قاله الملك: وين ماترقد رقدها معاك قاله:انزين والقصر!! قاله انا مابي بنتي خذها.
طبعا حسون كسرت خاطره بنت الملك ووداها معاه وصلو الفليل عند الشجره ورقدو اثنينهم بدون عشا وثاني يوم الصبح قامت البنت تنتظر ريلها يقوم الشمس حرقتهم قالت: له قوم الشمس حرقتني قالها:رقدي امي بجي وبتسحبنا وبتودينا فالظل استغربت البنت شنو هذا رجال قالت له: زين قوم روح جيب لنا اكل انا جوعانه من امس ماكلت قالها: انتظري امي بجيب لنا اكل يوم تخلص شغلها قالت له :وين تشتغل امك؟؟ قال؟ يعني وين في الوزاره!! تشتغل فالبيوت خدامه!! قالت له: وانت عادي عندك قالها: اي وش اسوي لها يعني اذا هي ماشتغلت من اللي بيشتغل قالت: له انت قالها: ممكن تسكتين تراش تسولفين وايد ابي ارقد اذا جاءت امي قيميني عشان اكل ورقد!!! البنت استغربت من اللي قدامها وفعلا جاءت الام وسلمت عليها وسحبت ولدها للظل بعدين قومته واكلته خبز وشربته ماي حتى ماخلته بنفسه ياكل ويشرب هي اللي تاكله وتشربه.
ثاني يوم من اصبح الصبح وراحت الام تخدم فالبيوت خذت لها سعفه من النخله وضربت ريلها وهي تصارخ قوم قوم قالها: بسم الله الرحمن الرحيم شفيج قالت له:قوم اشتغل قالها: شاشتغل قالت له روح فالبلاد ودور على عنكيش التمر يعني (نواه التمر) وفعلا خاف تضربه راح ودور على عنكيش التمر وجابه لها قالها: هاج خليني ارقد اضربته وقالت له: قوم روح بيعه فالسوق قال: من يشتريه قالت له راعي النخل بيشتريه منك راح وباعه جابه لها خمسه ريال جاء بيرقد اضربته قالت له: قوم خذ ريال وروح جيب لنا خبز وخشت الاربعه ريال وثاني وثالث يوم على نفس الحاله تضربه وتقومه يروح يدور عنكيش التمر لين ماصار عندها تقريبا ثلاثين ريال قالت له روح خذ هـالـ 15 ريال واشتر لك حمار استانس حسون حسباله ان الحمار بيشتغل عنه جاب لها الحمار وجاء بيرقد اضربته قالت له: روح اشتر فأس من السوق بخمس ريال وبعدين روح الغابه وكسر حطب وبيعه فالسوق وصار بدال خمس ريال وعشره ريال يجيب لها 50 ريال 70 ريال وهي اجمع تعطيه شوي يجيب لهم اكل وتخش الباقي وبنت لهم كوخ صغير وشرت لها مكينة خياطه وصارت تخيط هي وام ريلها وقالت لام ريلها: انها ماتشتغل فالبيوت خلاص وفي يوم من الايام جاء حسون وجايب لها 500 ريال فاليوم الواحد غريبه استغربت قالت له: مبين اشتغلت وايد قالها اي اليوم ترست غرفه كامله خشب حق شخص واحد هو شراه مني الخشب كله قالت له: زين سويت وقالها: لا وبعد ابشرج قالي كل يوم بشتري منك الخشب بس بشرط يكون مثل الخشب اللي اليوم شراه مني قالت له: زين سويت قال انزين انا بنام تبين شئ قالت له: لا انا بروح اغسل الحمار من الخشب وانظفه قالها: زين راحت البنت تغسل الحمار وتنظفه لقة قطعة عود خشب بس عود العود الازرق شمت ريحته عود استغربت!! راحت ركضت عند زوجها قوم قوم شنو هاي قالها خشب:هالخشب اللي بعته على الرجال قالت له قوم اللحين ودني لهالرجال قالها: ليش؟! قالت له: هذا عود مو خشب قالها؟ شنو عود؟قالت له: شعرفك قوم ودني له اللحين قالها: اللحين الفليلل ارقدي الصبح بوديج قالت له: لا ماترقد اللحين توديني قال: اف انا خذتج انج بتريحيني مادريت اني جبت المرض لنفسي طالعته بنظرة عين من على صوب خاف الرجال وسكر حلجه وراح ووداها بيت الرجال اللي شراه منه العود طقو الباب فتح لهم الرجال قالهم: نعم خير في حد يجي هالحزه انتوا تعرفون الساعه كم اللحين قالت له: بنت الملك نبي العود اللي شريته اليوم وخدعت ريلي انك شاري خشب قال: هو راضي انتي شعليج قالت له: لا هو موراضي وهو مايعرف العود من الخشب قالها: انا ماشريت عود انا شريت خشب قالت له زين خذ الـ500 ريال مالتك ورجع الخشب بنروح نبيعه فالسوق قالها كم تبون قالت له ترس لك غرفه كامله مليانه عود انت كم بتعطينا قالها: 50000 قالت له: لا 100000 ريال قالها: زين هاج ومابي منك مره ثانيه خشب قالت له: يكون احسن وراحت وهي مستانسه غيرت شغل ريلها بعد ماشتغل حطاب لمدة شهر شرت له مركب صغير وقالت له: روح تعلم تصيد سمك وتبيع فالسوق تعلم من الصيادين كان فالبدايه خايف من البحر بس عقب ماضربته صار عادي عنده المهم جمعوا فلوس من بيع السمك والمره تخزن وعقب شهر من اشتغل صياد قالت له: اللحين بشتري لك مركب اكبر ابيك تروح البلاد اللي وراء البحر يبون مزارعين اشتغل هناك لمدة سنه ويوم اطرش لك انك ترجع ارجع وكل ماحصلت فلوس طرشه لي فهمت قالها: اي اهم شئ انه بيفتك منها.
وراح حسون البلاد اللي وراء البحر مثل ماقالت له مرته واشتغل مزارع وكل ماجمع فلوس صار يطرشه لزوجته والزوجه فبلادها تشتغل خياطه وصارت تبني بالفلوس اللي يطرشها ريلها لها كل شهر قصر اكبر من قصر ابوها على البحر المهم وتمر السنه بسرعه ويجهز القصر واطرش له انه يرجع خلاص راح حسون الكسلان لكفيله وقاله خلاص انا برجع ديرتي لزوجتي وامي قالها المعزب زين قبل ماتروح خذ لك اي شئ تبيه من المزرعه وده لهم قاله: انا مابي الا هالبطيختين اللي مخشوشين تحت الشجر قاله: اخذهم راح وخذاه وقال وحده لزوجته ووحده لا امه المهم رجع بلاده ووصل عند البحر وصار يدور الكوخ الصغير اللي فيه زوجته وامه وقام يسال الناس ان في كوخ صغير فيه بنت وعيوز وين راحو قالوا له اوهوا صارو اغنياء واللحين هم ساكنين فهالقصر قام وطالع القصر لقى زوجته وامه من فوق يأشرون له انه يدخل دش وسلم عليهم وعطاهم البطيختين ويوم فتحوها لقوا انها محشيه بالذهب والمجوهرات وان اظاهر هذولا حراميه كانو خاشينه تحت الشجر بس طلع من رزق حسون الكسلان المهم قال: حسون لزوجته خلاص من اليوم مافي شغل قالت له: امبلا في باقي اخر شئ قالها: شنو قالت له: تسبح والبس وارجع اركب مركبك الكبير ولاتنزل منه الابكره الغدا قالها ليش قالت له بكره بتعرف.
وثاني يوم قام المؤذن يأذن لصلاة الفجر في قصر الملك شاف القصر الكبير اللي اكبر من قصر الملك وعليه ليتات عرس وفالبحر في مركب كبير وعليه ليتات عرس وبدال مايقول الله اكبر صار يقول: الله والقصر الله والقصر جاءه الملك يهاوشه قاله: انت شتقول قاله: ياملك استعمروا بلادنا قاله: منهم قاله مادري شوف وشاف الملك البيت اللي اكبر واحلى من بيته وانصدم وقال: في نفسه هذي حوبة بنتي من زوجتها وانا احس بتأنيب الضمير المهم بنت الملك قالت للخدم يروحون يعزمون البلاد كلهم على الغدا اليوم حتى الملك واعوانه وقالت لهم يفرشون زوليه حمراء من القصر لين البحر عشان يمشي عليه حسون الكسلان وفعلا اذبحت الذبائح وغدت اهل البلاد كلهم وجاء الملك واعوانه على الغدا عشان يعرفون شسالفة هالقصر اللي طلع فجأه وبعد الغدا قالت بنت الملك للخدم: روحو قولوا للي تغدوا خلاص يروحون بس يتم الملك بروحه فالميلس وخل اعوانه يطلعون جاوو الخدم وقالوا لهم: والناس اطلعو بس اعوان الملك خافو على الملك قالهم: لاتخافون شكله طيب يقصد حسون الكسلان وطبعا لان حسون كاشخ ومحلق متغير ما اعرفه الملك ان هذا زوج بنته قالهم يطلعون يوقفون عند الباب اذا ناداهم يدخلون وفعلا الكل طلع الا حسون الكسلان والملقب حاليا بالشيخ حسن والملك ابو زوجته دشت البنت وهي متغطيه من راسها لين ريلها وسلمت ورد عليها السلام الملك وماعرف انها بنته وعلى طول قالت له: ها ياملك الخير من الرجال ولا من المره تذكر بنته ودمعت عينه قالها: اشهد انج بنتي رفعت عن ويهها وجاء ابوها ولمها وقالها: سامحيني يابنتي مادري ليش سويت جذي فيش كنت معصب عليج قالت له: واللحين شتقول قالها: اي والله صدقتي الخير من المره مو من الرجال وقالها: اذا تبين اللحين بطلقج منه حسون انصدم من كلام الملك بس اعجبه رد بنته قالت له لا يايبه مو انا اللي انكر العشره وانكر فضله علي هو اللي شتغل بس انا اللي حافظت ورجعوا وعاشو حياه سعيده واستانست الملكه من بنتها وتوته توته خلصت الحتوته .
وهني وهناك خلصت السالفه عطوني آرائكم بصراحه
